Psikologët: Pse karantina iu shtyn të gaboni me ish-partnerët

Izolimi i ka dhënë mundësi njerëzve që të përdorin orët shtesë për të mësuar një aftësi të re ose të fillojnë një hobi të ri.

Shumë të tjerë kanë përdorur kohën për të reflektuar për jetën e tyre. Në disa raste, kjo situatë është shoqëruar edhe me vetminë e bllokimit dhe ka sjellë që njerëzit të zhyten në marrëdhëniet e kaluara dhe të vlerësojnë atë që shkoi keq.

Psikologia Elena Touroni u shpreh se gjatë kohërave të tilla të pasigurta, rriten shanset për t’u ndjerë më të vetmuar. Sipas saj është e kuptueshme që individët mund të ndiejnë dëshirë për të komunikuar sërish me dikë që janë ndarë.

Por a është e drejtë që të dërgojmë mesazhe për një ish-partner në këtë kohë?

Elena thotë se është e rëndësishme të vlerësoni aspektet e mira dhe të këqija. Gjithashtu edhe mundësinë nëse ka të ngjarë të shkaktojë më tej dëmtimi psikologjik tej ju.

“Sado joshëse të jetë, ju duhet të shmangni vendosjen në një situatë që do t’i bëjë gjërat më shqetësuese dhe të vështira për ju në një afat të gjatë. Nëse marrëdhënia ishte komplekse dhe sfiduese, unë do t’ju inkurajoja që të mendoni me kujdes, nëse kjo është një veprim pozitiv”.

Eksperti i marrëdhënieve, Carole Ann Rice shprehet se në izolim është e lehtë të rikthehesh në kujtimet dhe eksperiencat e kaluara dhe të ndalesh tek momentet më të bukura.

“Ne kemi shumë më tepër kohë për të menduar për gjërat dhe shumë shpesh harrojmë emocionet si negative ashtu edhe pozitive, rreth situatave nga e kaluara. Në një kohë si kjo është e lehtë të bëhesh nostalgjik për kohën e kaluar. Kur kjo ndodh, ju duhet të kujtoni arsyen pse marrëdhënia nuk funksionoi”.

Ndersa ekspertja e marrëdhënies, Lara Asprey thotë se ne kemi një tendencë në kohë krize për të kujtuar vetëm kohërat e mira.

Psikoterapisti Neil Wilkie thotë se ndërsa emocionet janë të mëdha është e rëndësishme të kuptoni motivin e vërtetë pse doni të komunikoni me ish partnerin tuaj. Kujtojini vetes që ai është ish i dashuri juaj.

“Kjo periudhë është një mundësi për të menduar për marrëdhënien tuaj ideale në të ardhmen, jo për të rishfaqur ëndrrat e vjetra. Një mënyrë e shkëlqyeshme për të marrë qartësi mbi këtë mund të jetë marrja e një cope të madhe letre dhe disa lapsa me ngjyra. Lërini mendimet dhe ndjenjat të rrjedhin dhe të tërheqin një përfaqësim të asaj që do të jetë marrëdhënia juaj e ardhshme ideale”.

Më tej, psikoterapisti shton se duhet të evitoni komplikimet që mund të vijnë nga një bisedë me ish-partnerin.