Reklamë arkivolesh me femra nudo, kundërshton Kisha

Zëdhënësi i kompanisë thotë: “Kur bëjmë kalendarë me vajza të bukura, ankohen femrat; kur bëjmë kalendarë me djem të bukur, ankohen meshkujt”. Pronari i firmës, Zbigniew Lindner shpjegon pse zgjodhën që femrat të pozonin nudo: “Djali im pati idenë e kalendarit. Donte që të bënim një kalendar ku të tregohej bukuria e vajzave polake dhe bukuria e arkivolëve tanë. Gjithashtu, duam të tregojmë se arkivoli nuk është një objekt i shenjtë, por thjesht një mobilie. Arkivoli është shtrati ynë i fundit, jo një simbol fetar.”

Por, Kisha Polake nuk është aspak dakord me këtë kalendar, duke e quajtur të papërshtatshëm. Një zëdhënës i kishës deklaroi se, vdekja njerëzore duhet trajtuar me solemnitet dhe nuk duhet ngatërruar me seksin.