Rekord i ri për kubin e Rubik, 4.22 sekonda

U tha, u bë! Mjaftuan pak lëvizje të shpejta për të zgjidhur “telashin” e komplikuar më të famshën në botë: Kubi i Rubik.

Rekordi u thye nga 22 vjeçari australian Feliks Zembegs, i cili ia doli të formonte të gjithë anët e kubit në vetëm 4.22 sekonda, gjatë një eventi në Melburn të Australisë, shkruan tgcom.

Ekspert në gara shpejtësie, Feliks, theu kështu edhe rekordin prej 4.59 sekondash të vendosur tetorin e shkuar nga koreani Seung Beom Cho.

Kubin e famshëm e krijoi skulptori dhe profesori i arkitekturës, Erno Rubik.

Ky aplikacion i tij, i cili u realizua për t’i shpjeguar studentëve të tij parimin e tre dimensionalitetit, u komercializua në 1980n.

Që atëherë, janë shitur 400 milionë copë dhe kubi me ngjyra u bë lodra më e dëshiruar e të gjitha kohërave, një obsesion i vërtetë, për ata që tentojnë të plotësojnë çdo anë të kubit me të njëjtën ngjyrë.

E vështirë, por ja që “misteri” ka kampionët e tij.