Shkeli karantinën për vetëm 8 sekonda në Tajvan, gjobitet me 3500 dollarë

Autoritetet e Tajvanit kanë goditur një gjobë prej 3,500 dollarësh për një perosn që theu rregulloret e karantinës për vetëm tetë sekonda.

Ai ëhstë një punëtor migrant nga Filipinet, dhe ishte në karantinë në një hotel në Kaohsiung City kur ai doli për pak kohë nga dhoma e tij në korridor, i tha Departamenti i Shëndetësisë së qytetit Agjencisë Qendrore të Lajmeve të Tajvanit.

Ai u kap në kamera nga stafi i hotelit, i cili kontaktoi Departamentin e Shëndetësisë.

Departamenti e gjobiti atë 100,000 dollarë Tajvanezë ose rreth 3,500 dollarë amerikanë.

Sipas rregullave të karantinës së Tajvanit njerëzit nuk lejohen të largohen nga dhomat e tyre, pa marrë parasysh për sa kohë.

Ata në karantinë nuk duhet të mendojnë se nuk do të gjobiten për largimin nga dhoma e hotelit, tha Departamenti i Shëndetësisë.

Ka 56 hotele karantinë në Kaohsiung City, me një total prej rreth 3,000 dhomash.

Autoritetet Tajvaneze filluan kontrollimin e pasagjerëve në fluturimet direkte nga Wuhan, ku virusi u identifikua për herë të parë, në 31 Dhjetor 2019 – pra kur virusi ishte kryesisht subjekt i thashethemeve dhe raportimeve të kufizuara.

Qeveria gjithashtu investoi në testimin masiv dhe gjurmimin e shpejtë dhe efektiv të kontakteve.

Ishulli me 23 milion persona ka regjistruar vetëm 716 raste koronavirusi dhe shtatë vdekje, sipas të dhënave nga Universiteti Johns Hopkins.