Shokët e moshuar martohen për qëllime “biznesi”

Dy miq meshkuj në Dublin planifikojnë të anashkalojnë ligjin irlandez të taksave për trashëgiminë përmes një martese të përshkruar si një marrëveshje “biznesi”.

Në Irlandë, dhuratat ose trashëgimia e vlerësuar mbi një prag të caktuar tatohen me një normë prej 33 për qind. Sidoqoftë, pasuria ose paratë e marra nga një bashkëshort ose partner civil përjashtohen nga Tatimi mbi Kapitalin.

Si rezultat, burrat, të cilët janë nga kryeqyteti Dublin, por nuk janë partnerë, planifikojnë të lidhin “kurorë”. Në një intervistë me transmetuesin shtetëror RTE, burrat shpjeguan vendimin e tyre.

Matt, një pensionist 85-vjeçar, foli për qëllimin e tij për të kaluar pasurinë e tij tek miku i tij Michael kur të vdesë. Megjithatë, ai nuk dëshiron që palët e tij të përfundojnë detyrimet tatimore, prandaj palët kanë planifikuar një bashkim të bazuar në “biznes”.

“Ai është shoku im më i mirë. Ai do të jetë pjesë e jetës sime deri kur të vdes dhe çdo gjë që kam, dmth, shtëpinë time do ta ketë pa probleme. Ndoshta kursejmë ca para”, tha Matt për Liveline radio show.

Michael, i cili është i divorcuar dhe ka fëmijë duke përfshirë një vajze 29-vjeçare, më vonë tregoi se kishte përfunduar në këtë ide pasi ishte njohur mbi ligjin e trashigimisë.

Në Irlandë, është e ligjshme që çiftet e gjinisë së njëjtë të hyjnë në një partneritet civil që nga viti 2010. Një ligj martesash për seksin e njëjtë është miratuar më vonë në 2015 pas një referendumi. Michael tregoi se edhe pse ai e do Matt si mik, martesa është për qëllime tatimore.

“E kam njohur Matt për 29 vjet, të njëjtën kohë si vajza ime. Ai jeton në të njëjtën zonë ku unë u rrita, në Stoneybatter. Ai është një nga njerëzit më të këndshëm që do të takoni ndonjëherë në jetën tuaj “, tha Michael.