Shtëpia 10 mijë $, që ndërtohet për një ditë e me vetëm një vegël

Shtëpitë mund të jenë shumë të shtrenjta në Pekin. Prandaj, një grua e njohur si zonja Fan, përfundoi në një shtëpi të vogël e afër rrënimit në oborrin e shtëpisë së prindërve të saj jashtë qytetit, raporton thisisinsider. Ajo ende dëshiron të jetojë afër familjes së saj, por dëshironte një shtëpi moderne e me një çmim të përballueshëm. Pasi një firmë lokale, People’s Architecture Office (PAO), ka dëgjuar historinë e saj, ka dizajnuar një shtëpi montuese për të. Me vetëm 10 mijë dollarë vlerë të materialeve dhe sigurisht falë punës së tyre, një ekip i ndërtimit ka ndërtuar shtëpinë montuese për të, në më pak se 24 orë dhe me vetëm një vegël.