Statuja e Budës fshihte një trup të mumifikuar 1000 vjeçar

Në një statujë kineze të Budas  është zbuluar trupi i mumifikuar i një murgu.

Zbulimi u bë, pasi skulptura u dërgua në spital nga stafi i muzeut për një scanim (X-ray CT)

Trupi besohet se i përket mjeshtërit Liuquan, një murg i cili ka jetuar rreth viteve 1100 dheishte anëtar i Shkollës Kineze të Meditimit.

Artifakti  1 mijë-vjeçar është ekzaminuar në një aparaturë skanimi CT  dhe me njëendoskop.

Nga barku i mumjes janë marrë disa mostra për studim nga një gastroenterologjist.

"Ai bëri një zbulim spektakolar: në vendin ku dikur kishin qenë organet, ai gjeti  të gjitha llojet e materialeve të dekompozuara,  letra që kishin të printuara simbole të lashta kineze," tha një zëdhënës i spitalit.

Mumja është ekspozuar në Muzeun Drents në Holandë.

Kjo ngjarje pason zbulimin e një murgu tjetër 200-vjeçar të mumifikuar në Mongoli. Disabesimtarë kanë argumentuar se murgu 200 vjeçar  nuk është "i vdekur", por thjesht në një gjendje të thellë meditative .