Kurti për dialogun: Duhet t’i përmbahemi kornizës pa marrë detyrime të reja

Kryeministri i Kosovës Albin Kurti ka marrë pjesë në një vizitë zyrtare në Zvicër. Në një konferencë për mediat, Kurti ka folur për aktualitetin politik në Kosovë dhe për agjendën e mëtejshme të vizitës së tij në Zvicër.

”Me presidentin Berset njihemi që nga pjesëmarrja ime në Forumin e Davosit, në fillim të vitit. Me të kemi biseduar për marrëdhëniet e shkëlqyeshme në mes të dy vendeve, për rritjen e madhe të këmbimit tregtar, që në vitin 2022 ka qenë për një të tretën më i madh se një vit më parë.

Ne jemi në të drejtën tonë. Në fjalën që kam mbajtur më 14 shtator para mediave në Prishtinë kam sqaruar se në dialogun e fundit ne si Kosovë kemi bërë tre propozime ndërsa Serbia asnjë. Në këto rrethana, ne duhet t`i përmbahemi kornizës së marrëveshjeve që kemi marrë si detyrim”, tha Kurti.