2 mujori: MF, të ardhurat llogariten 52.570 milionë lekë

Të ardhurat e mbledhura në buxhetin e shtetit gjatë periudhës janar-shkurt të këtij viti llogariten 52.570 milionë lekë. Sipas raportit paraprak të ministrisë së Financave mbi treguesit fiskale, të ardhurat e mbledhura përbëjnë 13 % të totalit të të ardhurave të planifikuara për t’u mbledhur përgjatë 2015-ës.

Gjatë këtij viti qeveria planifikon të mbledhë 414.470 milionë lekë në buxhet. Të ardhurat e mbledhura për këtë periudhë rezultojnë 173 milionë lekë më të larta se sa në 2-mujorin e parë të vitit 2014, periudhë në të cilën u mblodhën 52.397 milionë lekë. Ndërkohë totali i shpenzimeve për 2 mujorin llogaritet 57.244 milionë lekë, dukë bërë që defiçiti për këtë periudhë të shkojë në 4.674 milionë lekë.