23-vjeçari i Iranit tërhiqet nga kombëtarja, futbollisti: Arsyeja është mamaja

Sulmuesi i kombëtares së Iranit, Sardar Azmoun, i ka befasuar të gjithë teksa ka vendosur të tërhiqet nga përfaqësuesja pas Botërorit në Rusi.

23-vjeçari e ka marrë këtë vendim pasi gjatë “Rusi 2018” ka marrë kritika të shumta të cilat kanë “shkatërruar shëndetin” e nënës së tij. Lajmin për tërheqjen futbollisti e ka dhënë në rrjet sociale.

“Ishte nder i madh për mua që të luaja në kombëtare, por disa kritika kanë shkatërruar shëndetin e nënës sime”, shkruan futbollisti, i cili nuk shënoi në asnjërën nga tre ndeshjet që luajti.