393 mld lekë fitim i “ngrirë” – Kompanitë e mëdha shmangin tatimin, propozohet dividenti zero

393 miliardë lekë është fitimi i pashpërndarë nga kompanitë e mëdha vetëm për periudhën 2015-2017, i cili mund të përfitojë që të paguajë tatim 8 për qind nga 15 për qind.

Por Komisioni i Ekonomisë shkon më tej, dhe i kërkon Ministrit të Financave që për kapitalin e riinvestuar tatimi të jetë zero.

Ndërsa kryetari i Komisionit Erion Braçe ka kërkuar të dijë nëse 100 kompanitë më xhiron më të madhe në vend, e ndajnë apo jo fitimin e tyre.

Komisioni ka propozuar gjithashtu që tatim fitimi mbi lojërat e fatit të rritet në 30 për qind, propozim që do të shqyrtohet nga Ministria e Financave.