8-vjeçari me sytë si kristal e quajnë ”përbindësh”

Sytë e tij janë një botë më vete por vështrimet e njerëzve e lëndojnë atë. Abushe është një fëmijë 8-vjeçar nga Etiopia. Nëse i shikoni sytë e tij të shndritshëm është e pamundur që të mos ju ngelë në mendje. Ngjyra e tij ngjan sikur të ishin sy plastik, madje në fshatin e tij për njëfarë kohe e kanë quajtur “përbindësh”.

Megjithatë Abushe vuan një sindromë “Waardenburg” dhe një nga karakteristikat e kësaj sindrome është hapësira anormale mes syve dhe shpesh ka një pigment special në irisin e syrit. Ky fenomen është i rrallë dhe zakonisht i prek fëmijët me ngjyrë siç janë në Etiopi.

Abushe jeton në fshatin Jinka të Etiopisë Jugore dhe çrregullimi i tij gjenetik i ka shkaktuar edhe shurdhim të herëpashershëm në masa të ndryshme.

Kur ai lindi, prindërit e tij menduan se ishte i verbër ngaqë sytë e tij shndritnin, por shumë shpejt mësuan se sytë e tij ishin një “dhuratë” e Perëndisë. Fëmija më shumë se asgjëje tjetër i gëzohet lojës me futboll dhe në një intervistë të dhënë ka thënë se do të behët Lionel Messi nga Etiopia.