Ahmetaj: Zona ekonomike me tatim-fitimi zero për biznesin

Qeveria do të propozojë së shpejti një ligj të ri për zonat ekonomike, që do të parashikojë ofrimin e lehtësive fiskale për një afat 10 vjeçar.

Ministri i Zhvillimit Ekonomik, Arben Ahmetaj, tha sot gjatë një takimi të Dhomës Amerikane të Tregtisë, se, për pesë vitet e parë tatimi mbi fitimin në këto zona do të jetë 0. Së shpejti, Ministria e Zhvillimit Ekonomik do të nisë procedurën për shprehje interesi, me qëllim identifikimin e subjekteve të interesuara për të zhvilluar zonën e parë ekonomike. Ministri Ahmetaj shpalli për herë të parë zyrtarisht një shifër të rritjes ekonomike për vitin 2014, që , sipas tij, ishte 2.1%. Ai tha se reformat qeveritare ishin faktor përcaktues në kthimin e një rritjeje më të lartë ekonomike gjatë vitit të kaluar.