Alarmi i shoqatave atdhetare thirrje të fortë: Në Luginën e Preshevës po kryhet gjenocid

Libri me poezi “Zëri im për ty Medvegjë”, u prezantua këtë të premte në Tiranë, ku i pranishëm ka qenë edhe kryetari i Asamblesë së shoqatës ”Tirana”, Shkëlqim Hajdari. Nëpërmjet një reagimi në Facebook, Shkëlqim Hajdari thotë se në përfundimit të promovimit të librit, bashkë me Presidentin Moisiu, si edhe kryetarët e mbi 10 shoqatave atdhetare ranë dakord që të përgatitet një deklarate protestë publike, për gjendjen e paprecedentë që po i ndodh shqiptarëve në Luginë e Preshevës.

Postimi i plotë

Boshatisja dhe gjenocidi në Luginën e Preshevës na thonë SOS! Sot, në promovimin e librit me poezi “Zëri im për ty, Medvegjë” të poeteshës Majlinda Shaqiri.

Në përfundim të promovimit të librit, diskutantët, me në krye Presidentin Moisiu, si edhe kryetarët e mbi dhjetë shoqatave atdhetare e kulturore organizatore të këtij aktiviteti, duke filluar nga shoqata Tirana, Dibra, Mallakastra, Labëria, Kolonja etj.,

ranë dakord që të përgatitet një deklaratë proteste publike për gjendjen e paprecedentë që po u ndodh shqiptarëve në Luginë. Pasi të nënshkruhet nga organizatorët e këtij aktiviteti dhe nga personalitete të tjera brenda dhe jashtë vendit, ajo t’u drejtohet dy qeverive dhe dy parlamenteve të Shqipërisë dhe Kosovës, ambasadave të vendeve anëtare të BE-së, ambasadës së SHBA-së, si dhe Këshillit të Europës, Parlamentit dhe Komisionit Europian.