ALBtelecom sjell risinë e shërbimit të internetit ku ndërthuret 3G dhe Wi-Fi
Me ALBwifi, kudo të lidhur
Sot, interneti është kthyer në domosdoshmërinë e jetës sonë të përditshme. Ndaj, ALBtelecom u vjen në ndihmë të gjithë abonentëve të tij, duke ofruar shërbimin risi të internetit wirelessALBwifi falas në të gjithë vendin
Nëse keni një numër aktiv Eagle Mobile në aparatin tuaj celular smart apo tablet, ju mund të përfitoni internet super të shpejtë ALBwifi. Pasi ta keni konfiguruar një herë telefonin tuaj me ALBwifi, sa herë që të jeni brenda një zone publike ALBtelecom Wi-Fi, telefoni juaj do të lidhet automatikisht me rrjetin ALBtelecom dhe Eagle, duke ju siguruar internet të një cilësie shumë të lartë dhe pa pagesë.
Aktualisht, ALBtelecom ofron internet wireless në 220 pika Wi-Fi në të gjithë qytetet e vendit.
Të pasionuarit e natyrës dhe bregdetit shqiptar, apo ata që preferojnë zonat malore do të kenë mundësi të shijojnë pushimet e tyre dhe të ndajnë momentet më të bukura me miqtë e të afërmit ndërmjet internetit të shpejtë të ALBwifi. Ky shërbim interneti, ku ndërthuret teknologjia 3G dhe ajo Wi-Fi, u vjen në ndihmë edhe studentëve e nxënësve në proceset e tyre mësimore.
Kjo dhuratë vjen ekskluzivisht vetëm për abonentët Eagle Mobile që kanë kartë SIM aktive, përfitimet dhe avantazhet e të cilëve janë të shumta. ALBwifi sjell paketa ditore me sasi të konsiderueshme interneti pa pagesë,akses interneti wireless me shpejtësi të lartë deri në 20 Mbps,konfigurim të lehtë vetëm një herë dhe pa regjistrim. Nëse përdorni ALBwifi, vëllimi juaj i internetit në paketat 2G ose 3G nuk do të pakësohet, ndërkohë që bateria e smartphone-it tuaj do të zgjasë më shumë.
Karta Eagle SIM duhet të jetë e vendosur në pajisje, pasi ky funksionalitet i ofrohet vetëm abonentëve aktive të Eagle Mobile, të cilët do të mund të përdorin 1GB internet në ditë. Ndërkohë, abonentët individualë të planit tarifor Life dhe abonentët Biznes do të kenë akses të pakufizuar. Mjafton të keni një celular apo tablet me sistem operativ të avancuar, kartën tuaj Eagle SIM dhe interneti i shpejtë nuk do t’ju mungojë.
Për konfigurimin e këtij shërbimi në celularin tuaj mund të shkarkoni aplikacionin ALBwifi nga AppStore.
