ALUIZNI – Lame bën bilancin e katër viteve: U realizuan 144 mijë legalizime

Plot 144 mijë legalizime janë kryer në 4 vitet e fundit nga Agjencia e Legalizimeve, duke e përmbyllur këtë mision në masën 80 për qind. Megjtihatë, kreu i kësaj agjencie paralajmwroi se institucioni do t’i nënshtrohet një ristrukturimi të plotë. “Dyert tona janë të hapur për çdo të ri që do të bëhet pjesë e sktrukturave tona”, tha Lame në një deklaratë për shtyp.

Artan Lame: “Në vitin 2013 e gjetëm instituticionin, pas 8 vitesh qeverisje të djathtë, me vetëm 21 mijë legalizime të kryera dhe sot kemi arritur në shifrën e 144.154 legalizimeve. Nga 323 mijë objekte që ishin në sistem, në 306.800 prej tyre, pra në 95% të objekteve proçesi i punës, matjes në terren ka përfunduar tashmë.

Praktikisht sot mund të themi që proçesi i legalizimit të objekteve që janë brenda kritereve ligjore në zonat informale është përmbyllur në masën e 88%.

I gjithë sektori i pronësimit në Shqipëri gjendet në pragun e një reforme tërësore, përfshirë këtu në rradhë të parë ALUIZNI-n, me qëllim pajisjen me titull të qartë dhe të saktë të çdo prone të Republikës, pasi pa pronësi të qartë nuk ka investim të sigurtë.

Në këtë kuadër i gjithë instituticioni i ALUZINI-it do ti nënshtohet një strukturimi të plotë ligjor, strukturor dhe territorial. Prej sot i deklaroj të hapura dyert e institucionit për çdo djalë apo vjazë, për çdo specialist të sektorit që do të dëshironte të aplikonte për tu bërë pjesë rradhëve tona.”