Armina tregon raportin e saj me Shkëlzenin

Mediat rozë janë të etura për të mësuar diçka në lidhje me bukuroshen Armina Mevlani, e kjo e fundit nuk është kursyer me deklaratën e saj në lidhje me historinë e dashurisë që po përjeton. 
Pas famës me setin e fotove të reja për “Dolce & Gabbana”,Armina Mevlani vjen këtë verë me një rrëfim shumë intim për jetën e saj nën një çati me djalin e ish kryeministrit Sali Berisha, Shkëlzenin. 
Në një rrëfim të gjatë për revistën “Living”, ish-missi përveç punës në butikun e saj “Delirium”, ka rrëfyer detaje nga bashkëjetesa me Shkëlzenin, në vilën e tij luksoze në periferi të Tiranës. 
Edhe pse bashkëjetesën nuk e konsideron diçka të jashtëzakonshme, por normale në jetën e një çifti, ajo thotë se të qenurit personazhe publike, bën që lidhja që kanë të përjetohet me teprime. 
Thekson faktin se historia e tyre kaq shumë e përfolur po funksionon në sajë të komunikimit të përkryer që kanë mes tyre. “Çdo mbrëmje i themi njëri-tjetrit gjithçka që kemi kaluar gjatë ditës; për mua kjo lloj harmonie është më e bukur se çdo gjë tjetër, edhe se vetë pasioni”, thekson ajo në intervistë.