Arrestimi i djalit të deputetit, PD: Synojnë mbylljen e skandalit

Partia Demokratike reagon në lidhje me arrestimin një ditë më parë të Rrahman Rrajës, djalit të deputetit, i cili akuzohet për dhunë ndaj një vajze.

Përmes deputetes Jorida Tabaku, PD e cilëson arrestimin si fasadë, ndërsa Tabaku u shpreh se po synohet mbyllja e skandalit. “Arrestim për fasadë, në shkëmbim të heshtjes së opinionit publik. Ka synim edhe mbylljen sa më parë të skandalit”, tha Tabaku.

Më tej, deputetja e PD u shpreh se heshtja nuk do të tolerohet, ndërsa tha se do të jetë pjesë e shoqërisë civile në protestën e ditës së sotme në orën 17:30 përballë kryeministrisë.