Asambleja e PS në njësinë nr. 2 në Tiranë, Manastirliu: Organizim i ri territorial, kryeqyteti ndahet në 34 zona

Asambleja e Partisë Socialiste po zhvillon këtë pasdite një takim në njësinë nr. 2 në Tiranë. I pranishëm ndodhet edhe kryeministri Edi Rama. Drejtuesja politike e PS-së për Tiranën, Ogerta Manastirliu, bëri me dije se kryeqyteti do të ndahet në 34 blloqe. Në njësinë nr. 2, do të ketë 3 blloqe ku drejtimi do bëhet nga ministrja e Ekonomisë, Delina Ibrahimaj, Olta Manjani, zv/ministre e Ekonomisë dhe Genti Gazheli.

“Organizim i ri i ndarë në 34 blloqe pa humbur lidhjen administrative të vetë njësive duke i mbështetur me kapacitetet më të mira që vetë PS ka në drejtim. 34 zonat do të kenë 34 drejtuesit politikë për çdo bllok dhe njësia nr. 2 ka nevojë të ketë një vëmendje të shtuar sikurse çdo zonë në Tiranë, ndaj për njësinë nr. 2 ne kemi vendosur të kemi një organizim të ri territorial.

Blloku i parë që do të drejtohet nga ministrja e Ekonomisë. Në bllokun e dytë, Olta Manjani, zv/ministre e Ekonomisë dhe Genti Gazheli që gjithashtu ka eksperiencë politike jo vetëm në strukturat e PS.

Skuadra e PS së Tiranës është organizuar në territor me një qëllim të vetëm, jo për të qenë më shumë udhëheqës në drejtim, por duke qenë më pranë njerëzve”, tha Manastirliu.