“Asgjë nuk mund ta ndalojë”

Ekspertët paralajmërojnë se Apokalipsi i shkaktuar nga asteroidët do të zhdukë njerëzimin dhe ne “s’mund të bëjmë asgjë për ta parandaluar këtë”. Paralajmërimi vjen në ditën ndërkombëtare të Asteroidëve dhe shkencëtarët thonë se shanset e Tokës që të shkatërrohet nga një shkëmb gjigant janë pothuajse të paevitueshme.

Rolf Densing, kreu i Qendrës Europiane për Operacione në Hapësirë ka parashikuar se ndikimi i asteroideve do të ndjehet “herët apo vonë”. Densing po ashtu paralajmëroi se aktualisht, në planetin tonë nuk ka asnjë sistem mbrojtës që mund të shmangte katastrofën.

Kombet e Bashkuara e kanë shpallur 30 Qershorin si Ditën Ndërkombëtare të Asteroideve, për t’i ndërgjegjësuar njerëzit më shumë ndaj asaj që quhet “sfida më e madhe e njerëzimit”.

Këtë javë një astronom paralajmëroi për rrezikun e një asteroidi, të zbuluar në vitin 2004, që parashikohet të kalojë shumë pranë tokës në vitin 2029 dhe të rikthehet në vitin 2036.