Autobusi përplaset me makinën në autostradën Lushnje-Fier

Një aksident është shënuar në orët e pasdites në autostradën Lushnje-Fier. Nga të dhënat e para, mësohet se një autobus i linjës Shkodër-Athinë me targa AA 336RO është përplasur me një mjet tjetër tip “BMW”.

Deri më tani, nuk ka raportime për të lënduar.

Policia ka mbërritur në vendngjarje dhe po punon për zbardhjen e rrethanave të aksidentit.