Balla nuk ndalet, ironizon foltoren e PD-së: Si mos më keq dasma këtë javë

Kreu i grupit parlamentar të PS-së, Taulant Balla, ka ironizuar sërish Foltoren e PD-së, duke e krahasuar atë me një “dasmë si mos më keq”. Në një reagim në rrjetet sociale, Balla theksoi se situata duket se do të shkojë edhe më keq, pavarësisht se aktivitetet përkonin me 8 Dhjetorin, ditën simbol të Lëvizjes Studentore të vitit 1990.

“Si mos më keq dasma këtë javë. Edhe më keq duket se do shkojë dhe ki parasysh që ishte dhe 8 Dhjetor”, shkruan Balla.

Në reagimin e tij, Balla u ndal edhe te deklaratat e Sali Berishës për gjeneratën Z, duke thumbuar: “Po mirë, të paktën që foli i pari i dasmës për gjeneratën Z. Më thoni një emër që fillon me këtë shkronjë?”.