Basha: Asnjë votë “Edi tutës”, nuk merr vesh nga ekonomia

Kreu i PD-së, Lulzim Basha nga takimi elektoral në Dibër ka ftuar shqiptarët të votojnë PD-në dhe bashkimin më të madh të opozitës në këto 27 vite.

Edhe në këtë takim nuk munguar akuzat ndaj kryeministrit Rama, të cilën e etiketoi si “Edi tuta”. Më tej kreu i PD-së, ju kërkoi dibranëve por dhe të gjithë shqiptarëve, që të mos hedhin asnjë votë dëm duke ua dhënë partive të vogla.

“Asnjë votë PDIU-së që ka hyrë më kokë në qypin e turshive, ta dinë ata, më mirë hidhini në Drin votat se me ua dhënë këtyre, atje do e hajë në ndonjë peshk i vogël, asnjë votë për Ramën dhe Beqen, asnjë votë për partitë e tjera”- tha Basha.

Me kërkesën për të pasur besim tek “Republika e Re”, Basha kërkoi që shqiptarët ti japin votën për të bërë ndryshimin që i duhet vendit, duke numëruar gjithë detajet e planit ekonomik të PD hartuar nga ekspertët më të mirë.

“Më jepni mundësinë, Rama nuk merr vesh nga ekonomia. Ndëshkim mashtruesve, asnjë votë shushunjave, më mirë në Drin të Zi”,-shtoi Basha.