Basha: Koha e Ramës mbaroi, në Shkodër PD fiton 8 mandate

Nga mbledhja e kryesisë së PD në Shkodër, në orët e vona të së shtunës, kreu Lulzim Basha ka deklaruar se Kryeministri Rama e ka mbyllur kapitullin me Shqipërinë pasi ora e tij ka mbaruar.

Sipas Bashës, kandidatët e PD-së po punojnë maksimalisht për shpartallimin total të Republikës së Vjetër dhe fitoren të padiskutueshme të Partisë Demokratike.

“Edi Rama nuk ka mbyllur vetëm fushatën nga Shkodra, por ka mbyllur kapitullin njëherë e mirë në të gjithë Shqipërinë. Ora e tij ka mbaruar. Deputetët dhe shtabi i Shkodrës është në terren për fitoren e padiskutueshme të PD dhe shpartallimin total të Republikës së Vjetër”, u shpreh Basha.

Kryedemokrati ka bërë të ditur se Partia Demokratike në këtë qark lufton për 8 mandate. Ai ka kërkuar angazhim maksimal të demokratëve për një rezultat bindës në 25 qershor.