Basha: Më mirë hidheni votën në Drin se t’ia jepni PDIU që ka hyrë me kokë në qypin e turshive
Lajme E Enjte, 27 Maj 2021 03:05
DIBËR- Ashtu si kryeministri Edi Rama, edhe kreu i opozitës Lulzim Basha ka folur ashpër ndaj partive të vogla. Në një takim me emigrantët Basha iu ka sugjeruar atyre që më mirë ta hedhin votën në lumin Drin i Zi se t’ia japin PDIU-së.
“Këtë do vazhdoni, do i besoni këtyre partive që kanë një qëllim, të zhvatin shqiptarët të jenë pjesë e tepsisë, se platformë nuk kanë as LSI, as PDIU. Asnjë votë për shushunjat. Asnjë votë PDIU-së që ka hyrë më kokë në qypin e turshive, ta dinë ata që iu besojnë, më mirë hidhini në Drin të Zi votat se me ua dhënë këtyre. Të paktën në Drin do e hajë ndonjë peshk i vogël, kurse kështu dreqi do e hajë votën. Asnjë votë për partitë e tjera”, theksoi Basha.
Ai u ka kërkuar dibranëve ta besojnë për të bërë ndryshimin që i duhet vendit, duke folur për planin ekonomik të PD. “Do i besopni këtyre apo do merrni Dibrën në dorë, fatin në dorë. Më jepni mundësinë, Rama nuk merr vesh nga ekonomia”, tha Basha.
