Basha: Rama jo vetëm braktisi premtimet, por edhe po mashtron

Lulzim Basha foli sot për rritjen e ​punësimit, me qytetarët e Fierit. Ai tha se programi i tij është i provuar që do hapë vende pune, krejt ndryshe nga premtimet e Edi Ramës i cili edhe në broshurën elektorale ka gënjyer shqiptarët duke vendosur fotografi të marra nga interneti, dhe jo shqiptarë.

“Edi Rama e kishte në dorë të zgjidhte problemin e papunësisë, e kishte në dorë të ulte taksat, e kishte në dorë të punonte për ato vendet e punës që premtoi, se premtoi jo pak, por 300 mijë vende pune por çoi 300 mijë shqiptarë refugjatë. Zgjodhi ti braktiste premtimet. Kishte 4 vite kohë dhe 16 miliardë euro ka harxhuar Edi Rama në këto 4 vite. E keni parë këtë?! Kjo është broshura e Edi Ramës për punësimin. Shikoni këto 3 figurat këtu. Këta nuk janë persona prej vërteti dhe nuk janë as shqiptarë. Janë 3 të huaj që i ka marrë nga interneti, quhet shutterstock. Janë 3 të huaj që i ka marrë nga interneti. Edhe personat që ka vënë në broshurë janë manekinë. Janë të huaj dhe asnjë shqiptar. Nuk gjeti as 3 veta që i ka punësuar ky në këto 4 vjet që të bënte broshurën. As 3 veta nuk gjeti dot, as 3 shqiptarë nuk gjen dot që kanë gjetur një vend pune. Janë 3 të huaj manekinë që paguhen dhe bëjnë fotografi dhe i blen me lekë. 1 dollarë bën një fotografi. Ja ku është punësimi i Edi Ramës me 3 manekinë. Kjo është fasada. Kjo është republika e fasadës. Kjo është të jetosh larg halleve dhe probleme të njerëzve”, tha Basha.

Ai u shpreh se programi që ka funksionuar në Europë do funskiojë edhe në Shqipërisë sepse do ulë taksat, TVSh-në do e coje 15%, taksë të sheshtë 9%. Do ketë pension minimal 250 mijë lekë, 10 mijë stazhe për të rinjtë shqiptarë, ndihmë për familjet në nevojë.