Basha reagon për dollinë e Ramës dhe flet për peshkimin

Kryeministri Edi Rama ishte mesditën e së mërkurës në qytetin e Vlorës, ku edhe ka ngrënë një drekë me peshkatarët.

Por ajo që bie në sy është se pas shpinës së kryeministrit Rama është ankoruar një anije e vogël peshkimi që ka mbishkrimin “Basha”.

Me peshkatarët, Rama ngriti edhe një dolli për Bashën.

“Hajde ngremë një dolli tani, do pimë për Bashën në Mallakastër,” tha Rama.

Kurse kryetari i PD, Lulzim Basha u përgjigj nga Divjaka.

“Sot ka ngritur dolli për mua me peshkatarët e Vlorës. Mos ngri dolli për mua Edi Rama, por tregoju peshkatarëve të Divjakës, Vlorës pse nuk mbajte premtimin. Pse duhet te detyrohen t’i rregullojnë varkat e tyre në Greqi e Itali. Lëri dollitë sepse peshkimi s’ka asgjë për të festuar sepse e ke zhytur në dëshpërim peshkimin dhe blegtorinë”, tha Basha.