Bashkia e Tiranës nis rehabilitimin e monumenteve tek Parku i Liqenit Artificial

Braktisja e monumenteve dhe e memorialeve ktheu këto të fundit në një vend të grumbullimit të mbeturinave si dhe pre e shkatërrimit nga persona të papërgjegjshëm. Sëfundmi, Bashkia e Tiranës ka nisur një aksion për rehabilitimin e të gjithë këtyre monumenteve në zona të ndryshme.

Pllakë më pllakë, me mermer apo gur, me teknika pastrimi e rehabilitim profesional, specialistët e Bashkisë së Tiranës  po rikthejnë në identitet zonën e memorialeve në Parkun e Madh.

Sikurse shihet edhe nga këto foto, monumenti i vëllezërve Frashëri, Memoriali i Ushtarëve të Komonuelthit të rënë në Shqipëri apo i personaliteteve të njohura janë riparuar tërësisht, duke nderuar jo vetëm sakrificat që ata kanë bërë, por njëkohësisht duke treguar tek turistët e shumtë që vizitojnë vendin tonë kulturën dhe krenarinë tonë për të shkuarën.