Batuta e Ramës me Macron dhe Aliyev për Trump, Shtëpia e Bardhë ka një reagim

Shtëpia e Bardhë ka një qëndrim për videon virale të kryeministrit Edi Rama me presidentin francez dhe atë të Azerbajxhanit, ku ata bënin humor me lapsuset e Trump që përmendte Shqipërinë në vend të Armenisë.

Nënsekretarja e Shtypit ne Shtëpinë e Bardhë, Anna Kelly dha përgjigje krejtësisht diplomatike. ”Presidenti Trump ka bërë më shumë për stabilitetin global, se sa çdo lider tjetër në botë”,-tha për Top Channel.

Vetë Rama thotë se lajmi i përhapur tashmë edhe nga media ndërkombëtare, është nxjerrë nga realiteti. Kryeministri sqaron se e gjithë situata ishte humor mes miqsh dhe asgjë më shumë.