Berisha: Edi Rama të merret i pandehur për dosjen “Partizani”

Kreu i Partisë Demokratike, Sali Berisha, është paraqitur ditën e sotme në Prokurorinë e Posaçme në zbatim të masës së sigurisë “detyrim paraqitje”.

Pas daljes nga SPAK, Berisha tha se Edi Rama duhet të merret i pandehur për dosjen “Partizani”.

“Sa për dijeni Rama është kërkuar nga të akuzuarit e dosjes që në fillim që të merret në ndjekje penale, jo dëshmitar. Pse? Sepse Rama një pjesë të mirë të territorit të klubit Partizani e kishte shndërruar në zonë urbane ndërtimi pa asnjë kërkesë të pronarëve, përveçse të peshkaqenit Olsi Rama, i cili kishte vendosur të bëhej milioner në tokë të tjetrit. Është thirrur të pyetet Edi Rama. Por çfarë ndodh prapa? Prapa dha lejet e ndërtimit, më vonë ky e merr vesh që njeri nga pronarët është edhe Jamabër Malltezi. Pavarësisht se ishte dhënë leja, këshilli i territorit kishte votuar, por ky nuk e zbardh lejen. Gjykata e urdhëron ta zbardhë lejen e ndërtimit. Pas vendimit të gjykatës pronarët fillojnë zhvillimin e zonës. Rama dërgon instpektoriatin e tij. Gjykata e dënon Edi Rama me 320 mijë euro dhe ky i paguan nga xhepi i bashkisë për dëmin që i kishte shkaktuar. Pra Rama duhet të ndiqet penalisht për këto”, tha Berisha.