Beteja për Lezhën, flasin kryesuesit e listës së PS, PD dhe LSI. Ja çfarë premtojnë (Video)

Edhe pse në Lezhë, këto zgjedhje, simbolet dhe banderolat e partive politike, fushata ka arritur pikun e saj.

Kryesuesit e listës së kandidatëve për deputetë nga Partia Socialiste, ajo Demokratike dhe LSI kanë vendosur në qendër të programit të tyre pikë që kanë rëndësi për elektoratin.

Lindita Nikolla, kryesues e listës së socialistëve në Lezhë premton punesimi dhe mireqenie për qytetarët.

Nikolla: Për t’u ndarë nga gjithçka e keqe që ka mbizotëruar në të shkuar dhe për mundësuar një betejë të re dhe për ta fituar atë, që është beteja për punësimin dhe mirëqenien në Lezhë.

Kryesuesi i Listes së Partisë Demokratike Aldo Bumçi shprehet se bilanci negativ i qeverisë në këto 4 vite dhe programi që ofron Basha janë një avantazh për të djathtët.

Bumçi: Nxitja e punësimit, ku dy elementët kryesor janë 100 milionë euro për bujqësinë, e dyta paketa më stimuluese për biznesin. Çdo biznes i vogël, sot tavani është 50 milionë lekë xhiro në vit, ne do ta çojmë këtë tavan në 120 mln lekë në vit.

Ndërkohe kandidati i Lëvizjes Socialiste për Integrim Viktor Tushaj shprehet se kjo force politike i njeh mire problemet e qytetareve dhe angazhohet për zgjidhjen e tyre.

Tushaj: LSI dhe përfaqësuesit e saj do të angazhohen maksimalisht në zgjidhjen e problemeve, halleve dhe shqetësimeve të njerëzve.

Qarku i Lezhës dërgon 7 mandate në Kuvend, ndërsa në zgjedhjet e 2013-tës PD fitoi 4 deputetë, PS 2 dhe LSI një deputet.