Bie miti i lumturisë? Studimi: Çiftet me fëmijë kanë martesa të dështuara, ja shpëtimi

Redjon Shtylla

Një femër e shikon me përparësi amësinë, rritjen e një fëmije. Në të gjithë botën, njerëzit mendojnë se të qenurit prind është pjesa më e dobishme në jetë. Të qenit prind shkakton ndryshime të thella në martesë. Një hulumtim i fundit i publikuar nga tabloiti “Quartz”, tregon se si çiftet në Amerikë por dhe në mbarë botën, pësojnë krisje të marrëdhënien bashkëshortore. Hulumtimi shpjegon se si seriotipet e ndryshme po cënojnë familjen. Familjet zakonisht mirëpresin një fëmijë me shpresën e madhe por kur lidhja e nënës me një fëmijë rritet, është e mundshme që marrëdhëniet e saj me të tjerë të përkeqësohet.

Ku të shkojnë, poshtë?

Kur njerëzit martohen ata zakonisht janë të lumtur për marrëdhënien e re. Por pas kësaj, gjërat kanë tendencë për të ndryshuar. Mesatarisht, kënaqësia e çifteve “me martesën e tyre është në rënie gjatë viteve të para të martesës” dhe në qoftë se rënia është veçanërisht e madhe, divorci mund të jetë zgjidhja. Ndjenjat e dashurisë së vërtetë shkojnë drejt greminës.

Për rreth 30 vjet, shkencëtarët kanë studiuar faktin se të pasurit fëmijë ndikon në një martesë dhe rezultatet përfundimtare tregojnë se: “Marrëdhënia midis bashkëshortëve përkeqësohet kur në jetë vjen një fëmijë. Krahasimi i çifteve me ose pa fëmijë, sipas studimit është parë se shkalla e rënies së kënaqësisë në marrëdhënie është gati dy herë më e madhe për çiftet që kanë fëmijë se sa për çiftet që nuk kanë fëmijë. Në rast kur shtatzënia është e paplanifikuar, prindërit përjetojnë efekte edhe më të mëdha negative në marrëdhëniet e tyre.

Ironia është se edhe pse kënaqësia martesore e prindërve të rinj është në rënie, mundësia e tyre për tu divorcuar gjithashtu është në rënie. Më keq akoma kur kjo rënie në kënaqësinë martesore çon edhe në një ndryshim në lumturinë e përgjithshme.

Ndërsa ndikimi negativ martesor kur bëhesh prindër është i njohur për të gjithë baballarët dhe nënat, kjo është veçanërisht e fshehtë për shkak se ka kaq shumë çifte të rinjsh që mendojnë se të kesh fëmijë i bashkon ata më afër së bashku ose të paktën nuk do të çojë në ankthe martesore. Megjithatë, ky besim, që të kesh fëmijë do të përmirësojë martesën e dikujt, është një mit këmbëngulës dhe i vazhdueshëm në mesin e atyre që janë të rinj.

Prindër të dashuruar?

Duket qartë se duke pasur një fëmijë, një familje do të ndryshojë dinamikën e saj. Dhe me të vërtetë, ardhja e fëmijëve ndryshon mënyrën se si çiftet bashkëveprojnë. Prindërit shpesh bëhen më të largët me njëri-tjetrin dhe këto ndryshime mund të jenë edhe më të thella. Identitetet themelore mund të zhvendoset nga gruaja në nënë ose në një nivel më të ngushtë, nga të dashuruar në prind. Edhe pse në çiftet e të njëjtit seks, ardhja e fëmijëve parashikon më pak kënaqësi në marrëdhënie dhe në seks. Përtej intimitetit seksual, prindërit e rinj kanë tendencë për të ndaluar duke thënë se po bëjnë gjëra që i pëlqejnë bashkëshortët e tyre.

Nënat mbajnë barrën!

Nuk është çudi, që është nëna ajo që mban barrën e jo baballarët, të cilët mbajnë koston më të rëndë për t’u bërë prindër. Edhe kur të dy prindërit punojnë, dy bashkëshortët e përshkruajnë veten sikur kanë barrën e punëve të shtëpisë. Shumica e prindërve rrëshqasin drejt mënyrave stereotipe gjinore e prindërore.

Femrat kanë më shumë gjasa të bëhet “në thirrje” prind, pasi zgjohen natën për të parë fëmijët, përkujdesen çdo minutë, janë në afër tyre, etj. Si pjesë e këtij modeli, nënat e reja kanë tendencë për të shkurtuar orët e tyre me punën e jashtme, të cilat shpesh i çojnë prindërit të ndjejnë më shumë përgjegjësi financiare. Ndjenjat e zhgënjimit, fajit dhe ankthit janë tek të dy prindërit.

Nënat e reja shpesh flasin për izolimin e tyre shoqëror, duke u shkëputur nga miqtë dhe kolegët si dhe nga bota e tyre e mëparshme. Të gjitha këto ndryshime çojnë në efekte themelore. Pasojat e marrëdhënieve në tendosje mund të jenë serioze. Stresi martesor është i lidhur edhe me më shumë probleme të rënda shëndetësore dhe fizike, si simptomat e depresionit dhe problemet e tjera të shëndetit mendor. Lidhja midis problemeve psikologjike dhe martesore janë mjaft të forta. Hulumtuesit kanë zbuluar se terapia në çift është një nga mënyrat më efektive për trajtimin e depresionit dhe disa sëmundje të tjera mendore.

A ka dritë në fund të tunelit?

Nëse ardhja e fëmijëve është e vështirë për martesat, a duhet ti largojnë fëmijët në një ambient larg nesh për të shpëtuar martesën? Disa martesa do të përmirësohen edhe nëse fëmijët largohen nga shtëpia dhe jetojnë larg prindërve. Në raste të tjera, fillimi i suksesshëm i fëmijëve çon që bashkëshortët të zbulojnë se ata kanë disa interesa të përbashkëta.

Këto dobësi për të patur fëmijë mund të shpjegojë pjesërisht arsyet pse gjithnjë e më shumë gratë në mbarë botën, zgjedhin për të mos dalë në “dritë”.  Pavarësisht që amësia është e pikturuar nga hulumtuesit si ndjenja më unikale, shumica e nënave dhe baballarëve, e shohin ardhjen në jetë të fëmijëve, si gëzimin më të madh të tyrin.

Të gjitha nënat durojnë dhimbjet dhe vuajtjet e lindjes. Shumica e nënave besojnë se shpërblimet e të shikuarit se si fëmija rritet është kosto me vlerë për marrëdhëniet e tyre romantike.