BMW-ja 50 mijë paundsh vidhet për 1 min! Shoferi: Sapo e kisha blerë!

Një automjet tip BMW që kushton plot 50 mijë paund është grabitur brenda një minute.

Pamjet e vjedhjes së pazakontë janë filmuar nga kamerat e sigurisë. Hajdutët ia kanë dalë të anashkalojnë sistemin e saj të sigurisë me një pajisje të veçantë.

Incidenti është një nga katër vjedhjet e kohëve të fundit në Londrën e Veriut ku kriminelët kanë përdorur pajisje të veçanta për të kryer grabitjen.

Hajdutët janë në gjendje të zhbllokojnë makinat me çelës duke transmetuar një sinjal të zmadhuar që e mashtron sistemin e sigurisë në hapjen e dyerve.

Viktima, një biznesmen dhe baba që nuk dëshiron të identifikohet, e kishte blerë makinën pak më shumë se një muaj.

Ai i tha MailOnline: “Isha në dhomën time duke fjetur në atë kohë. Sapo kishim blerë makinën e re në fillim të shtatorit”.