Bushati: Mos votoni figura të konsumuara

Banorët e Bashkisë së Vaut të Dejes nuk duhet të votojnë figura të konsumuara si Ndoka apo Uldedaj. Ka qenë ky mesazhi i ministrit të jashtëm Ditmir Bushati gjatë një takimi me të rinjtë e zonës bashkë me kandidatët për deputetë Majlinda Lacej dhe Alfons Babani.

Ditmir Bushati: “Duhet të votoni për njerëzi si Majlindës, Alfonsit dhe jo për kandidatë si puna e Gjok Uldedaj dhe Nard Ndoka që janë të konsumuar.”

Bushati hodhi akuza se partitë politike po tentojnë të marrin vota përmes shtrimit të drekave apo darkave.

Ditmir Bushati: “Drekat dhe darkat e kandidatëve bamirës duhet ti hani deri në fund por votën vetëm për Partinë Socialiste.”

Ai u bëri thirrje pjesmarrësve të votojnë Partinë Socialiste  dhe nr.2 në fletën e votimit për ti dhënë fund sipas tij partive që nxisin përçarje me baza fetare.