Buxheti 2018, Prodani: Projekti 1 mld euro, tërësisht transparent

Geraldina Prodani, sekretare e përgjithshme e ministrisë së Ekonomisë dhe Financës e ftuar dje në Report TV, ka folur rreth buxhetit të vitit 2018 dhe risitë që sjellë implementimi i tij në sektorët e ekonomisë së vendit.

Ajo tha se ky është një  buxhet i rritjes ekonomike dhe uljes së difiçitit buxhetor, përmirësimin dhe uljen e borxhit publik, që sipas, kjo përmirëson ekonominë e vendit.

E pyetur në lidhje me projektin dhe nismën e qeverisë për injektimin e projektit 1 miliard euro në ekonomi, ajo e cilësoi se ky projekt është tërësisht transparent dhe nuk ka dyshime në lidhje me koncesionet “fantazmë”, pasi ai monitorohet dhe mund të konsultohet online nga çdokush.

Sektorët që janë cilësuar si prioritet, janë bujqësia, turizmi, shëndetësia fusha të tjera të cilat janë me interes të veçantë.

Intervista me Geraldina Prodanin:

E nisimi me risitë e këtij buxheti ?
Është një buxhet që ulë difiçitin buxhetor, është buxhet që ulë borxhin publik,  krijohet mundësia dhe i jepet jetë më shumë në mandatin e dytë. Kemi një  reformë në energji, infrastrukturë, shëndetësi, në arsim. Me pak fjalë është buxheti i rritjes ekonomike.

Si do të përkthehet dhe si të kuptojmë shifrat e tilla ?
33 mijë nxënës do të kenë libra falas, 17 shkolla në Tiranë, ndërtojmë spitalin e Fierit, bujqësia do të këtë rritje fondesh, mbështëtja 2.6 miliardë lekë për fermerët, për sektorin e ujësjellësit, të cilët do të përdoren për të mbështetur projektet e tjera.

Ka një projekt 1 miliard euro nga qeveria, sa mund të jetë  ky një fenomen i pastrimit të parave, sa realist  është ky projekt?
Projekti është shumë realist dhe shumë transparent. Janë projekte që kanë kalur të gjithë linjën nga linja tek ministritë përkatëse.

Si do të injektohen këto para në ekonomi, ka dhe një frikë nga konçesionet?
Gara është e pastër dhe është online dhe asgjë sështë e fshehur, pra transparenca është e plotë dhe nuk ka asnjë lloj dyshimi.

Sa i përket sektorëve të ekonomisë të cilët kanë kërkuar më shumë fonde, vlen të përmëndur ndonjë sektor i rëndësishëm?
Në fakt ne kemi parë se në komisione është diskutuar, janë tek-tuk kërkësa që mblidhen dhe diskutojnë se kush do të këtë të drejtë për të mbështetur me fonde shtesë. Sektori i rëndësishëm është ministria e Drejtësisë pasi kërkon më shumë fonde për shkak të reformave të ndërmarra si dhe krijimi i institucioneve të drejtësisë. Kjo kërkon më shumë investim dhe më tëpër përgjegjësi.