Çela: OSHEE e kaloi krizën, tani fazë investimesh

Administratori i OSHEE, Ardian Çela, në një bashkëbisedim me gazetarët ka deklaruar se kompania që ai drejton ka kaluar krizën ekonomike dhe se po vijon me fazën e mirëmenaxhimit.

Sipas tij, aksioni i përbashkët me policinë për të prerë lidhjet e paligjshme ka rezultuar i suksesshëm, pasi është ulur konsumi i energjisë elektrike.

“Kompania tani ka më shumë mundësi për investime, kemi një reduktim të nivelit të borxhit, ulja e borxhit edhe në 3­mujorin e parë të 2016. Borxhi i kompanisë është ulur në 108 miliardë lekë”, tha ai.

Më tej, Çela shtoi se puna e kësaj kompanie po përbaltet nga opozita.

“Po vëmë re përbaltjen e opozitës, ata që e zhytën OSHEE në krizën më të thellë. Unë mund të them se ne kemi arritur reduktimin e nivelit të humbjeve dhe kemi nisur investimet në rrjet që kapin shifrat 9.2 mld lekë”, sqaroi ai.