Civici: Sëmundja e zakonshme e programeve qeverisëse

Profesori Adrian Civici i ftuar në “Arena” nga Dritan Hila në Ora News, sqaroi sëmundjen e zakonshme që sipas tij kanë programet qeverisëse.

Civici: Sëmundja e zakonshme që kanë programet qeverisëse në Shqipëri ka të bëjë me objektivat dhe mundësive që ke. Shpesh herë ka doza subjektivizmi. Kanë qenë realitivisht 4 vite të suksesshme. U nisëm me 0.9% rritje ekonomike dhe shkoi në 3%.

U shlye një pjesë e madhe e borxheve. Në shkurt-mars të këtij viti thuhet se objektivat janë realizuar dhe mbetej në dorën e qeverisë shqiptare për ta vijuar më tej. Po të shikojmë objektivat për 300 mijë vende pune, ulja e varfërisë, shëndetësia falas, ka shumë elementë që mund të diskutojmë se sa janë realizuar.