Dashuria e vërtetë ekziston, seti i dasmës pas 60-vitesh (FOTO)
Kur Rosa dhe Ruso u martuan në vitin 1957, nuk menduan që të bënin një album fotografik. Por pas 60-vitesh çifti realizoi setin fotografik të dasmës. Në kohën që ata kurorëzuan dashurinë e tyre në martesë, nuk shihej i nevojshëm punësimi i një fotografi pasi kishin buxhet të limituar.
“Mirror” shkruan se dasma e çiftit u përgatit nga vetë familjarët, ku gjyshi i Rosa-s përgatiti kopshtin ku ata do të martoheshin, tezja bëri tortën ndërsa gjyshja qepi fustanin. Ishte një ceremoni shumë e thjeshtë që bazohej në dashurinë e tyre, më shumë se sa në ekstravagancë.
Por tani që kanë kaluar plot 60 vite dhe kanë nëntë fëmijë, 16 nipër e mbesa, Rosa dhe Russo realizuan atë që shumë kohë më parë as nuk e kishin menduar.
Kështu, familja e tyre kontaktoi me një fotograf, i cili pranoi që të bënte fotot e tyre sikur të ishin që në fillimet e tyre. Rosa u vesh me fustan të bardhë, ndërsa Russo qëndronte i qeshur pranë saj me një kostum dhe kapele në kokë. Në pamjet e adhurueshme, ata tregojnë se dashuria e vërtetë ekziston pasi vazhdon të përcjellë pozitivitet edhe pas shumë vitesh martesë.
