Debat sot në Kuvend për ngritjen e komisionit për Reformën Zgjedhore

Sot në Kuvend do të debatohet dhe më pas votohet, projektvendimi “Për ngritjen e komisionit të posaçëm parlamentar për Reformën Zgjedhore”.

Ky projektvendimi u be shkak i debatit dhe përplasjeve të forta në seancën e një jave më parë ndërmjet opozitës dhe mazhorancës. Opozita ishte përgatitur për ta debatuar por mazhoranca e shtyu me një javë, debatin.

Përplasjet e e së enjtes së shkuar sollën 5 ndërprerje të njëpasnjëshme të seancës nga ana e kryetarit Gramoz Ruçi për shkak të protestës së opozitës që këmbëngulte për zhvillimin e debatit dhe më pas evoloi deri në përjashtimin nga seanca të kryetarit të PD-së, Lulzim Basha.

Basha deklaroi pas përplasjes se qeveria i shmanget debatit dhe fjalës së lirë sepse ka frikë prej tyre, kurse mazhoranca i qendroi deklaratës se kishte nevojë të përgatitej.