Debate të forta në Komisionin e Sterilizimit, Vokshi kërkon të merret Rama në pyetje

Ka vijuar me tensione dhe debate Komisioni Hetimor i Sterilizimit edhe ditën e sotme.

Albana Vokshi i cilësoi të paligjshme mbledhjet të fundit pa prezencën e opozitës ku përfaqësuesit e mazhorancës kanë thirrur dëshmitarë pa u miratuar më parë nga Kryesia.
Sot PS ka njoftuar marrjen e dëshmive të fundit dhe pritej mbyllja e Komisionit hetimor ditën e nesërme me dëshminë e ish-ministrit Ilir Beqja. Por Vokshi u shpreh kundër, duke kërkuar zbatimin e Rregullores dhe thirrjen e kryeministrit Edi Rama për dëshmi.

Pjesë nga debati

Ndreca: Kemi treguar durimin maksimal edhe pse na janë shkulur mikrofonat, kemi ruajtur qetësinë që komisioni të bëjë hetimin, është shtyrë dy muaj puna e komisionit, nga na tjetër ju keni një keqkuptim shumë të madh.

Vokshi: Thuaji gjërat siç janë dhe mos deformo të vërtetën se je mësuar ta bësh këtë. Është votuar dhe dakordësuar.

Ndreca: Nëse s’arrini ta kuptoni këtë, ju s’e keni durimin.

Vokshi: Të fusin në listë, siç ndodhi edhe me atë kolegun tuaj që e kishit edhe atë këtu para dy ditësh u futën bandat e flasin me atë lart, edhe ti kujton se duke shpëtu nga komisioni atë lart ti kujton se do të shpëtosh?

Ndreca: Unë s’kujtoj asgjë se s’të kam marrë leje ty unë kur kam qenë në punë se s’kam ditur që do të flas me Albana Vokshin. Po kur i firmos vëllai yt ato auditimet aty do të shkruhet.

Vokshi: Të njohin të gjithë

Ndreca: Më njohin mua të gjithë dhe të njohin ty të gjithë, por ta dinë fytyrën para meje. Vetëm se të kam në krah se për gjë tjetër as ma ndjen hiç.