Deputetja e LSI-së krah koleges së PD: z.Kryetar, s’është faji ynë që brezat…

Deputetët e rinj, edhe në moshë janë shpeshherë në shënjestrën e ”veteranëve” të kuvendit. Kështu ndodhi edhe në seacën e sotme parlamentare. Deputetja e LSI-së, Floida Kërpaçi i ka dalë në krah deputetes demokrate Izmira Ulqinaku, e cila iu drejtua kryetarit të kuvendit, z.Ruçi në lidhje me ngjarjen e 2 prillit.

Kryetari i kuvendit nga ana e tij, iu përgjigj deputetes së PD-së, se Izmira ka qenë vetëm 1 vjeçe në vitin 1991 kështu që nuk ka mundur të ndjek “live” ngjarjen, por që shkodranët e duan dhe e kanë përshëndetur.

Mirëpo, Floida Kërpaçi, gjatë fjalës së saj i është përgjigjur Ruçit duke i thënë, “Nuk është faji ynë zoti krytar që të gjithë brezat që vijnë ju gjejnë këtu. Ju jeni këtu si pjesë e deputetit legjislativ”. Më tej Kërpaci renditi një sërë problematikash që sot hasin të rinjtë.