Dibër, punohet intensivisht për përgatitjen e materialeve zgjedhore

Në Dibër, me mbërritjen e materialeve zgjedhore ka nisur puna intensive për përgatitjen e shpërndarjes së tyre nëpër qendrat e votimit për zgjedhjet e së dielës.

Baza materiale ka mbërritur në KZAZ 16,17,18 dhe 19 prej dy ditësh, ndërsa komisionet vijojnë punën për ndarjen sipas qendrave të votimit. Kryetari i KZAZ 16 në Mat, Gëzim Pasha, thotë se shpërndarja do të nisë të shtunën në mëngjes

Pasha: Ka ndonjë problem të vogël me ndryshime të komisionerëve për shkaqe të ndryshme, gjithsesi procesi është në rrugë të mbarë.

Edhe në KZAZ 17 në Klos, puna vijon normalisht. Kryetari i kësaj KZAZ-je Jetmir Dedolli, thotë se deri tani nuk janë shfaqur probleme.

Dedolli: Të gjitha materialet janë gati, presim darën 24 për dorëzimin në komisionet në qëndrat e votimt. Puna vazhdon normalishtë nuk kemi patur asnjë problem.

Qarku i Dibrës pritet të jetë ndër zonat e nxehta të këtyre zgjedhjeve gjë që është demostruar nga disa përplasje mes mbështetësve partiakë gjatë fushatës.