”Dua të takoj Trump dhe pikë”, marrëzia 3 orëshe e 20 vjeçarit

Dua të takoj Trump dhe pikë. Kjo histori ka shkatuar frikë dhe të qeshura në rrjete sociale. Një djalë  ka ngjitur Kullën Trump, për t’u takuar me kandidatin republikan për president. 

I cilësuar si “Njeriu merimangë” i Kullës Trump, 20-vjeçari nga Universiteti i Virxhinias, rezulton mbështetës i flaktë i miliarderit.  

Ai ka qëndruar në sytë e të gjithë botës për thuajse 3 orë, nga 3 e 30 deri në 6 e gjysmë të pasdites, kur policia e Nju Jorkut, pas shumë tentativash ka arritur ta kapë përmes një dritareje dhe ta fusë brenda. Djaloshi arriti të ngjitej deri në katin e 21-të të kullës së biznesmenit miliarder, nga 68 që ka në total godina.