Eklipsi i plotë i Diellit, i vetmi për 2015-ën

Eklipsi i pjesshëm i diellit është regjistruar edhe në vendin tonë gjatë ditës së sotme. Ndërkaq, rreth 2 000 turistë pritet të shkojnë në arkipelagun norvegjez Svalbard (Spitzberg), që ndodhet në Arktik rreth 2 000 kilometra në veri të Oslos, i vetmi territor me ishujt danez Faroe nga ku mund të vërehet ky fenomen gjatë të cilit Dielli do të shndërrrohet në një disk të zi për dy minuta e 47 sekonda. Ky eklips përkon edhe me ekuinoksin e pranverës.  Ai do të fillojë në orën 09:41 në Faroe dhe në orën 10:11 në Svalbard.  Fenomeni do të fillojë dy orë më herët në Kepin e Gjelbërt, por atëherë ai do të vërehet me vështirësi.