Eksodi masiv, Ipeshkvi Masafra në meshë, “Të lutemi për shqiptarët, të qëndrojnë”

Dyndja e shqiptarëve për të përfituar azil në vende të ndryshme të BE-së, për një jetë më të mirë ka tërhequr vëmendjen e kishës. Ipeshkvi i Shkodrës Imzot Angelo Masafra u bëri thirrje atyre që kërkojnë të largohen dhe atyre që kanë ikur tashmë të kthehen ose të qëndrojnë në Shqipëri, sepse e ardhmja nuk është në një vend të huaj.  Në meshë me rastin e festës së Zojës së Këshillit të mirë ipeshkvi i Shkodrës dhe meshtarë të tjerë u luten që shqiptarët t’i kalojnë me kurajo këto ditë të vështira për vendin.