Emergjencat Civile, Prençi: Nevojë për buxhet, infrastrukturë dhe kapacitete njerëzore

Buxheti  për emergjencat civile në Shqipëri është i pamjaftueshëm. Kreu i këtij institucioni Shemsi Prençi,  gjatë takimit me kryetaren dhe anëtarët e komisionit parlamentar të sigurisë në ambientet e ministrisë së brendshme, kërkoi  mbështetje në buxhet , infrastrukturë dhe  kapacitete njerëzore.

Prenci bëri të ditur pamundësinë për likuidimet,  ai tha  se  nga 290 milion lekë fonde të akorduar për  vitin 2017  janë ende  100 milion lekë të pa likuiduara.

Pasi u njoh  me veprimtarinë e këtij institucioni dhe  shqetësimet,  kryetarja e komisionit parlamentar të sigurisë, Ermonela Felaj ofroj mbështetjen e qeverisë përmes ndërhyrjeve në ligj.

Sa i takon kalimit të kësaj  drejtorie pranë strukturave të ministrisë së mbrojtjes  Prenci  e quajti arritje pasi sipas tij mundësia për mbështetjen është më e madhe nisur nga kapacitetet që ofron.

Sipas raporteve të BE , BB, OKB  për riskun botëror,  Shqipëria  renditet e para  në Europë dhe e 40-ta në rang botëror, për riskun më të lartë nga fatkeqësitë natyrore.