Euro bie në nivel historik

Euro ka rënë në nivelin e saj më të ulët kundrejt dollarit amerikan në 11 vitet e fundit.

Gjatë ditës së enjte, një euro shkëmbehej me më pak se 1.13 dollarë.

Lajmi për rënien e monedhës është bërë me dije në ditën kur Banka Qendrore Evropiane ka njoftuar se do të derdhë miliarda euro në ekonominë e rënduar të Eurozonës.

Ndërkohë ky institucion ka thënë se do të blejë letra me vlerë, prej 60 miliardë eurosh në muaj, deri në fund të shtatorit 2016.

Blerja e letrave me vlerë do të çojë në shtypjen e 1 trilion eurove.