Europiani i Peshëngritjes, Shqipëria shkon me Qerimaj, Brahja e Suka

Shqipëria do të shkojë në Europianin e Peshëngrijes, që do të zhvillohet në Tbilis të Gjeorgjisë në muajin prill, me një përfaqësuese të përgjysmuar në tre sportistë, si rrallë ndonjëherë tjetër. Pasojat e skandalit të dopingut që prekën disa nga sportistët më të mirë të Peshëngritjes Shqiptare ngritën pikëpyetje nëse ekipi ynë përfaqësues i peshëngritjes do të merrte apo jo pjesë në Europian. Kjo për faktin se Romela Begaj, Hysen Pulaku dhe madje edhe Daniel Godelli që fituan medalje vitin e kaluar, për shkak se kanë rezultuar pozitiv në analizat anti-doping (Godelli ende në pritje të testit B por fakti se nuk do të garojë në Europian do të thotë se ai është pezulluar), pritet të s’kualifikohen zyrtarisht nga garat e ardhshme. Ata rrezikojnë pezullimin deri në dy vjet. Federata Shqiptare e Peshëngritjes ka hasur vështirësi, në mungesë të emrave më të spikatur, duke mos përzgjedhur emrat me të cilët do të përfaqësohet Shqipëria në garat e ardhshme. Megjithatë, ekipi përfaqësues i peshëngritjes do të marrë pjesë në pjesë në kampionatin Europian te shtangës, cili do të zhvillohet ne Tbilisi të Gjeorgjisë ne datat 10 – 18 prill. Bordi Ekzekutiv i Federatës Europiane ka dhënë miratimin që Shqipëria të marrë pjese në këtë Europian. Në  Europianin gjeorgjian Shqipëria do të marrë pjesë me tri sportistë, të cilët do të jenë:

Për femra, në peshën 48 kg, Shqiponja Brahja.

Për meshkuj, Erkand Qerimaj, 77 kg dhe Sopot Suka, 94 kg.

Objektivi  i tyre është zona e medaljeve dhe prezantimi sa më pozitiv në kampionatin botëror me qëllim kualifikimin në Lojërat Olimpike të ardhshme, “Rio 2016”.