FIER/ Numërohen 37 nga 591 kuti votimi, PS udhëheq me 64,8% të votave

Në qarkun e Fierit janë numëruar 37/591 kuti votimi. Në bazë të këtij numërimi PS udhëheq me 12052 vota, e ndjekur nga PD me 5381 vota, LSI me 2555 vota dhe PDIU me 609 vota.

Në Lushnje janë hapur kutitë 2856/2 ku PS numëron 151 vota, PD 82 vota, LSI 16 vota dhe PDIU 4 vota ndërsa kutia 2856/1, numëron 188 vota për PS, 77 vota për PD, 14 vota për LSI dhe 5 vota për PDIU

Ndërkohë për qytetin e Elbasanit u njoftua se numërimi i votave do të nisë në orën 07:00 të mëngjesit. Ndërkohë katër orë pas përfundimit të votimit, është numëruar kutia e parë e votimit edhe në Tepelenë.

Mësohet se atje ka përfunduar numërimi në fshatin Gusmar nga është me origjinë edhe ish-ministri i Brendshëm, Saimir Tahiri.

Në Gusmar 90 vota i ka marrë PS, 44 vota PD dhe 7 vota LSI.

Po ashtu ka përfunduar edhe numërimi në fshatin Selcë të Memaliajt ku PS ka marrë 25 vota PD 23 dhe LSI 10 vota.