Floida Kërpaçi: Pas 25 prillit, LSI do ta çlirojë shëndetësinë nga koncesionet korruptive të Edi Ramës

Në Ditën Botërore të Shëndetit, kandidatja e LSI në qarkun e Tiranës, Floida Kërpaçi thotë se në qeverisjen pas 25 prillit, LSI do ta çlirojë shëndetësinë nga monopolet klienteliste të Rilindjes dhe nga koncesionet korruptive të Ramës.

Postimi i plotë i Floida Kërpaçit 

Dita Botërore e Shëndetit
Shëndeti është një e drejtë themelore ndaj angazhimi i LSI në qeverisjen e pas 25 prillit do ta çlirojë shëndetësinë nga monopolet klienteliste të Rilindjes, nga koncesionet korruptive të Ramës dhe do të mundësojë rritjen e cilësisë së kujdesit shëndetësor, uljen e kostos së trajtimit mjekësor dhe mbështetjen financiare e profesionale të bluzave të bardha, që shtëpia e tyre të mbetet Shqipëria e jo emigrmi.
LSI do ta trajtojë Shëndetin Publik si detyrë parësore të qeverisë, ndaj në programin tonë është parashikuar:
1. Financim prioritar dhe i plotë i shëndetit publik për forcimin e kapaciteteve të tij dhe kontrollin efikas të tertitorit, lidhur me të gjitha sëmundjet ngjitëse në përgjithësi dhe pandemisë nga COVID-19 në veçanti.
2. Moratorium i menjëhershëm për koncesionet në shëndetësi që nga viti 2013 dhe alokim të fondeve për trajtimin e pandemisë dhe pasojave të saj.
3. Realizimi i autonomisë së shërbimit spitalor.
4. Ringritje e shërbimit cilësor të Mjekut të Familjes dhe shërbimit parësor në tërësi.
Në Ditën Botërore të Shëndetit, le të kujtojmë se nuk ka gjë më të shtrenjtë se jeta dhe shëndeti i çdo shqiptari.
Se pasojat e COVID-19 nuk do të ishin kaq shkatërrimtare nëse qeveria shqiptare do të kishte dedikuar vërtet vëmendje ndërtimit të një sistemi shëndetësor që i shërben qytetarëve.
Se çdo mjek që largohet nga vendi është humbje e madhe që ndikon drejtpërdrejtë tek secili.
Në 25 prill, vota për LSI-në është edhe një votë për shëndetin tuaj dhe të familjes së çdo shqiptari.